"Сырты жалтырак, ичи калтырак". Бишкектеги жаштар театрынын абалы мышык ыйлагыдай (сүрөт+видео)

Бишкек шаары борбор калаа болгондуктан аны мамлекеттин жүзү деп атаса болот. Өлкөбүз эгемендүүлүккө ээ болгон 29 жыл ичинде шаардын инфраструктурасы көп жагынан өзгөрдү. Бирок алардын баары эле жакшы жакка эмес экенин орусиялык блогер Илья Варламовдун Бишкек шаары жөнүндө тарткан 1 сааттык видеорепортажында таамай көрсөтүлгөн. Анда Варламов тротуарлар, коомдук жайлар, айдоочулардын айдоо маданияты тууралуу жазып, Бишкекти начар, ыңгайсыз жана кооптуу шаар деп атаган.

Конок тарабынан айтылган сын көпчүлүк шаардыктарга жакпай калды. Анткен менен блогердин айткандарында чындык менен айкындуулук бар.

Мисалы, Бакен Кыдыкеева атындагы жаштар театрынын эскилиги жеткен имараты тууралуу канча жылдан бери айтылып келе жатат. Бирок борбордун көркү болчу имарат дагы деле толук кандуу оңдоп-түзөөдөн өтө элек. Театрдын маңдайы 2018-жылы жеке ишкер тарабынан оңдолгон.

Театрдын маңдайы оңдуу көрүнгөнү менен, имараттын капталы менен арт жагы мышык ыйлагыдай абалда.

"Асты жагы жалтырак, ичи менен капталдары калтырак". Мындай сүрөттөө дал ушул жаштар театрына жарашат. Анткени театрдын фасады оңдолуп-түздөлүп, жаңыртылганы менен, имараттын капталдарындагы дубалдын эскилиги жетип, урап түшүп жаткан абалга жеткен.

Театрдын ичине киргендер ал жакта Кыргыз Республикасынын Эл артисти, Эмгек сиңирген артисттер же келечектен көптү үмүттөндүргөн жаш таланттар иштээрине көзү жетпесе керек. Театрдын полдору Союз мезгилинен калган кызыл тактайлар болсо, шыбы азыр эле түшүп кетчүдөй адамдын үшүн алат. Бир сөз менен айтканда жаштар театрынын ичи дагы авариялык абалда...

Жаштар театрынын түптөлгөнүнө 31 жыл толуптур. Бирок театрдын имараты мындан 69 жыл мурун курулуп, ал Пионерлер үйү катары иштеп келгени маалым. Өлкөбүз эгемендүүлүк алгандан тарта театр 2-3 жолу гана оңдоп-түзөөдөн өткөнүн Кыргыз Республикасынын Эл артисти Назира Мамбетова айтып берген.

Төмөндө дүйнөнүн башка шаарларындагы жаштар театры болгон имараттардын сүрөттөрү көрсөтүлгөн.

Жаштар театры. Питер жаштар театры. Алтай

Башкортостан, Казакстандын Астана шаары.

Англиянын Лондон, Өзбекстандын Ташкент шаарлары.

Тажикстандын Дүйшөмбү шаары Орусиянын Краснодар шаары

“Жаштар театрында эмгектенгендердин алды 10 миң сом, арты 3 жарым миң сом алат

Автор: Бактыгүл Султаналиева

19:30 21-09-2020

Жазылуу

РУБРИКАДАГЫ СОҢКУ КАБАРЛАР

23:44 2025-05-23 | Түркүн дүйнө

Кытайда дүйнөдөгү эң бийик көпүрөнүн курулушу аяктоо алдында турат (видео) 1288 0

22:51 2025-05-23 | Спорт

Караколдогу реконструкциядан өткөн стадионду президент "Ынтымак Арена" деп атады (видео) 695 0

22:22 2025-05-23 | Саясат

Ысык-Көлдүн 22 айылы ичүүчү таза суу менен камсыз болот. Президент облуста болду 698 0

22:03 2025-05-23 | Коом жана турмуш

Караколдогу стадиондун ачылышына өзгөчө коноктор барды (видео) 1265 0

20:34 2025-05-23 | Коом жана турмуш

Таласта сууга агып бараткан 3 кичинекей кызды милиция кызматкерлери куткарып калышты (видео) 1381 0

19:49 2025-05-23 | Коом жана турмуш

Мугалимине гүлдестени өзгөчө тапшырган баланын видеосу көпчүлүктүн көңүлүн жылытты 2962 0

Архив

Комментарийлер (4)

Aimani

2020-09-22 00:29:03

Уят эле. Тажик, өзбектер түбөлүк өйдө экен бизден

Bekmamat

2020-09-22 00:39:33

Албетте ондоо тузоту керек экен. Дагы бир жери айлана чойросун оздору эле тазалап мусорлорду алып койсо болот да. Бул жаштар театрда ишембилик деген болбойт бекен. Ошо жаткан ботолколор оздору ичкендер болуш керек. Кочодон бироо келип таштап кетбейт да.

faraon312

2020-09-22 01:10:54

Бизде маданиятты көтөрөлү деген аткаминер жок. "Маданиятың менен тилиңди жоготсоң, анда чек араңды ачып сал, башка эмнени коргомок элең" деген экен бир белгилүү адам.

tynar92kg

2020-09-22 10:42:43

Ыйлай турган акыбалда экенго.

Комментарий калтыруу үчүн өз ысымыңыз менен кириңиз же каттоодон өтүңүз.