БУУ Жээнбековду Кыргыз өлкөсүндөгү бийликтин мыйзамдуу өкүлү деп тааныйт

12-октябрда Кыргыз Республикасынын тышкы иштер министри Чыңгыз Айдарбеков БУУнун Башкы катчысынын Борбор Азия боюнча атайын өкүлү Наталья Герман менен телефон аркылуу сүйлөштү. Башкы катчынын атайын өкүлү БУУ ар дайым Кыргыз Республикасынын ишенимдүү өнөктөшү болгон жана болуп кала берерин ырастап, учурдагы кырдаалды тынчтык жолу менен жөнгө салууга чакырат жана азыр Сооронбай Жээнбеков Кыргыз Республикасынын мыйзамдуу президенти, өлкөдөгү конституциялык бийликтин өкүлү деп эсептейт.

Катчы президент Жээнбековду мыйзамдык базанын алкагында жана бардык саясий күчтөрдүн колдоосу менен жалпы калк, анын ичинде жарандык коом жана жаштар мамлекет үчүн туура чечимдерди таба ала турганына үмүт арта турганын билдирген.

Өз кезегинде министр Айдарбеков Германга убагында көңүл буруп, колдоо көрсөтүүгө даярдыгы үчүн ыраазычылык билдирген. Тышкы саясат бөлүмүнүн башчысы белгилегендей, учурда Кыргыз Республикасынын президенти болуп жаткан саясий процесстерди тез арада укуктук талаага кайтаруу үчүн аракеттерди көрүп жатат. Ошол эле учурда өлкөдө COVID-19 оорусун жуктуруп алгандардын саны кайрадан көбөйүп жаткандыгы, кыш келип, суук түшкөндө кырдаал кескин начарлап кетиши мүмкүн экендиги белгиленген. Ушуга байланыштуу кыргыз тарап коронавирустун жайылышына жана пандемиянын Кыргыз Республикасынын экономикасына тийгизген терс кесепеттерине каршы күрөшүү боюнча БУУнун туруктуу жардамына ишенет.

Автор: Гүлшат Ысамамат кызы