Депутат Мамытов: "Парламенттик кайра шайлоо мөөнөтүн Конституциянын жаңы долбоору кабыл алынганга чейин жылдыруу керек"

Депутат Талант Мамытов Жогорку Кеңеште Баш мыйзамга өзгөртүү киргизүү, парламенттик кайра шайлоону жылдыруу жөнүндө долбоорлор иштелип чыкканын айтты. Бл тууралуу ал бүгүн, 22-октябрда журналисттерге билдирди.

Анын айтымында, долбоор коомдук талкууга коюлду. "Парламенттик шайлоонун мөөнөтү автоматтык түрдө белгиленип калган. Кечээ БШК жарыя жасаган. Бүгүнкү коомдук-саясий кырдаалды, эпидемиологиялык жана экономикалык абалды эске алып, парламентти шайлоо тууралуу конституциялык мыйзамдын айрым нормаларын токтото туруучу долбоорун иштеп чыктык", - деди ал.

Автор: Жылдыз Джускембаева