"Жалал-Абадда бейтаптардын жакындары кычкылтекти өздөрү алып келип, терезе аркылуу берип жатат". Облустук оорукананын жетекчиси эмне дейт?

Социалдык тармактын колдонуучулары Жалал-Абадда эпидемиологиялык кырдаал курч экенин айтып чыгышты. Тагыраагы, интернет колдонуучулар тарабынан "бейтаптардын туугандары өздөрү кычкылтек баллондорун таап, колго жасап, толтуруп, кычкылтекти терезе аркылуу палатага тартып жатат" деген билдирүү тараган.

Саламаттыкты сактоо министрлигинин басма сөз кызматынан Жалал-Абад облустук ооруканасында жаткан бейтаптарга толук кандуу медициналык жардам көрсөтүлүп жатканын билдиришти. Аталган бейтапкананын жетекчиси Кумарбек Ботокараев жогорудагы билдирүү боюнча төмөндөгүлөргө токтолду.

"Социалдык тармактарда ооруканада бейтаптар үчүн кычкылтек концентратору жетишсиз деген маалымат тараган. Бул маалымат толугу менен ишенимдүү эмес. 23-октябрга карата облустук ооруканада коронавирус инфекциясы менен ооруган 113 бейтап дарыланып жатат. Биз жай мезгилинде эле суюк кычкылтек менен камсыз болгонбуз. Баллондорду Майлуу-Суу шаарындагы май куюучу жайдан толтурабыз. Ал эми маалымат тараган күнү баллондорго кычкылтек толтурууда маселе жаралган.

Бейтаптарды суюк кычкылтек менен камсыз кылуу саламаттыкты сактоо министри Алымкадыр Бейшеналиевдин көзөмөлүндө болуп, маселе чечилди. Дүрбөлөңдүн кереги жок, мындай учурларга ооруканада 90 кычкылтек концентратору бар, ал эми "Бакыт" реабилитациялык борборунда 41 кычкылтек концентратору бар. Ал аппараттар муктаждык болгондо колдонулат", - деп белгиледи Ботокараев.

Автор: Бактыгүл Момбекова

22:22 23-10-2020

Жазылуу

Тектеш кабарлар:

Комендант Нарында коронавируска каршы дарылануудан баш тартып, кылмыш иши козголгон жаран боюнча айтып берди

Бишкекке Санкт-Петербургдан 554 Кыргыз жараны келди

Акыркы суткада 104 адам коронавирустан айыкты

Бузулукта калып калган мекендештерди алып келүү үчүн чартердик каттам уюштурулууда

Францияда коронавирустун белгисиз түрү табылды

Чет элдик адис коронавирус илдети менен үчүнчү ирет ооруган учурлар катталып жатканын айтты

Бир суткада дагы 5 ак халатчандан коронавирус инфекциясы аныкталды

+304. Өлкөдө илдетти жуктургандардын саны жалпы 70 миңге чукулдады

Хабиб Нурмагомедов: "Орусиядан учуп кете албай калдым. UFC уюму Фергюсонго башка атаандаш издеп жатат"

"Колдон келсе жарандар же ишкерлер тиккен бет каптарды колдонсо болот деп сунуш берген эмеспиз" дейт Саламаттыкты сактоо министрлигинин өкүлү

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (3)

Raihan0602

2020-10-23 22:31:51

Ооруканалардагы кычкылтек концентратору чоңдордун туугандарына сакталып жаткан жок бекен

Arai92

2020-10-23 22:58:31

Кыргыз олкосуно жакында 774 миллинон доллар жардам келди дейт ковидге. Баягы эле карапайым эл чуркап атышатго дагы эле. Муну кандай тушунсо болот? Келген акчага кылкылтек сатып алган жокпу мамлекет?

JaneEr

2020-10-24 00:00:15

Ковидди ойлогон эч ким жок,Жапаров да занят кадр алмаштыруу менен.Баягы эле эл озу менен озу,бийлик озу менен озу.Тем более депутаттар биздин моонот бутту шылтоолоп деп качат эми.Эл кантет эми?

Комментарий калтыруу үчүн өз ысымыңыз менен кириңиз же каттоодон өтүңүз.