Экс-министр Космосбек Чолпонбаевге операция жасалды

Учурда Кардиология жана улуттук терапия борборунда дарыланып жаткан саламаттыкты сактоонун мурдагы министри Космосбек Чолпонбаевге операция жасалды. Бул тууралуу саламаттыкты сактоо министринин басма сөз кызматынан билдиришти.

"Операция жүрөккө жасалган. Учурда ал жандандыруу бөлүмүндө дарыгерлердин көзөмөлүндө. Абалы канааттандырарлык", - деп билдирди басма сөз кызматынан.

Саламаттыкты сактоо министрлигинин мурунку жетекчиси Космосбек Чолпонбаев буга чейин 320-берененин ("кызматтык абалынан кыянаттык менен пайдалануу") негизинде кармалып, Биринчи Май райондук сотунун чечими менен 15-ноябрга чейин СИЗО-1ге камакка алынган.

Автор: Айсалкын Качкынбекова