Сузак милициясынын алдында аял өзүн-өзү өрттөмөкчү болду. Ал кызын өгөй атасы зордуктап жүргөн дегенге ишенбейт

Жалал-Абад облусунун Сузак районунун ички иштер бөлүмүнүн алдында белгисиз аял киши өзүн-өзү өрттөмөкчү болгон. Аны милиция кызматкерлери токтотуп калышкан. Анда ал күйөөсү жалган жалаа менен камалганын айткан. Жалал-Абад ОИИБинин басма сөз кызматынын жетекчиси Нурдин Жээнтаев аял эмне себептен өзүн-өзү өрттөмөкчү болгонун жана бул үй-бүлөдө орун алган окуянын чоо-жайын айтып берди.

Маалыматка ылайык, 2019-жылдын 28-февралында Сузак районунун тургуну милицияга арыз менен кайрылган. Анда 2018-жылдын 26-декабрь күнү саат 19:30 чамасында 13 жаштагы кызын Умид аттуу бала, кызыл түстөгү Тико үлгүсүндөгү унаада күч колдонуу менен зордуктап койгондугун билдирип, мыйзам чегинде чара көрүп берүүнү суранган. Бул факты Сузак РИИБде Кылмыштардын жана жоруктардын бирдиктүү реестрине катталып, сотко чейинки өндүрүшкө алынган.

Тергөө учурунда шектүүнүн аты-жөнү аныкталып, кармалган. Ал өз көрсөтмөсүндө жабырлануучуну, кызды тааныбай турганын, жана жыныстык катнашка барбаганын ошондой эле кызыл түстөгү Тико унаасы болбогондугун билдирген. Бул иш экспертизалардын жана иштин ичиндеги материалдардын жыйынтыгы менен шектүүнүн күнөөсү далилденбегендиктен кылмыш иш өндүрүштө турган.

2020-жылдын 8-декабрь күнү жабырлануучу кыз (азыр 15 жашта) Сузак РИИБине арыз менен кайрылган. Анда ал Умид аттуу бала аны зордуктабаганын апасына жалган айтканын, чындыгында аны 1984-жылы туулган өгөй атасы зордуктаганын айткан.

"Мындан 4 жыл мурун 11 жашымда Сузак районунун Ырыс айыл аймагына караштуу Ленин айылында таенемдин үйүндө жашап жүргөн кезде, үйдө эч ким жоктугунан пайдаланып күч колдонуп зордуктаган. Ошондон баштап арыз жазган күнгө чейин зордуктап, жыныстык катнашта болуп келген. “Эгерде окуя боюнча айтсаң "мен сени өлтүрөм” деп коркутуп, апаңа жана милицияларга Умид аттуу бала зордуктаган деп айттырып, үйрөткөн. Арыз жазылгандан кийин 3 ай убакыт өтүп кайра дагы зордуктап, арадан убакыт өтүп кош бойлуу болуп калдым. Ошондо апама өгөй атам кылганын айтсам ишенген жок. 2020-жылдын 5-декабрь күнү саат 02:00 чамасында ал дагы зордуктагандыктан айлам кетип окуя боюнча чындыкты айтуу үчүн Сузак РИИБине келдим", - деп айтып берген жабырлануучу кыз.

Бул окуя боюнча 8-декабрда бул үй-бүлө жашаган үйгө кароо жүргүзүлүп, окуя болгон учурда жаткан төшөктөр, кийимдер жана жабырлануучунун айтуусу боюнча окуя болгон күнү жыныстык катнаштан кийинки аарчынган чүпүрөк далил буюм катарында алынып, соттук-биологиялык экспертиза дайындалган.

Ошол эле күнү 23:30 чамасында шектүү кармалып, Сузак РИИБинин убактылуу кармоочу жайына киргизилген. Ал эми 10-декабрь күнү сот шектүүнүн баш коргоо чарасын карап чыгып, 2 айга камакка алган.

Дайындалган соттук-биологиялык экспертизанын корутундусуна ылайык далил катары алынган кесинди чүпүрөктөн жана жабырлануучу жаткан төшөктөн эркектик урук табылып, ал шектүү М.М.га тиешелүү экенин билдирген. Учурда сотко чейинки өндүрүш иши боюнча тийиштүү тергөө амалдары жүргүзүлүүдө деп кошумчалайт басма сөз кызматы.

Автор: Айсалкын Качкынбекова
Фото: Турмуш.кж

15:53 05-01-2021

Жазылуу

РУБРИКАДАГЫ СОҢКУ КАБАРЛАР

19:28 2025-06-04 | Түркүн дүйнө

Трамптын небере кызына үйлөнүү үчүн анын үйүнүн дубалынан секирип өткөн жигит кармалды 242 0

19:08 2025-06-04 | Түркүн дүйнө

Италияда туристтер жанар тоонун атылышы башталганда качып жөнөшкөн (видео) 321 0

18:57 2025-06-04 | Коом жана турмуш

Өкмөт башчы Адылбек Касымалиев Тажикстанга барды 238 0

18:42 2025-06-04 | Кылмыштар, кырсыктар

Томокто изделип жаткан жигиттин сөөгү Чүй дарыясынан табылды. Шектүү кармалды 736 0

18:22 2025-06-04 | Коом жана турмуш

Балыкчыда шамал электр станциясынын пайдубалы куюлду 293 0

18:15 2025-06-04 | Түркүн дүйнө

Илон Маск XChat аркылуу сырдуу билдирүүлөрдү ишке киргизди 367 0

Архив

Комментарийлер (9)

Baktyluu_bolgum_kelet

2021-01-05 16:14:04

Эшек катын акмак, өлсөң олуп кал.Сендей апанын кереги не шол акмак,зордукчу эрин артык болуп калдыбы?!!

bond02

2021-01-05 16:27:34

Жон эле койбопсунар, оз баласын коргобогон аялды.

Zhainash

2021-01-05 17:38:48

Ушинтип бир эркекти деп өз баласын ойлобогон адамга таң каласын.Тим эле койсоңор болмок акмак аял экен.

ainura220888

2021-01-05 18:45:32

Олуп калсын тем койгула шумшук

nazira...

2021-01-05 19:41:54

Ошо күйөөңдү өрттөбөйт белен, сооп болот эле. Кызындан да ошо педофил күйөө керек экен да сага. Жөн коюшпаптыр өрттөнүп өлө бер деп, өлөм деп коркутканын кара дагы. Азыр докчулар өтө көбөйдү, күйөөсү кызына кылганын көрүп көзүн жуумп койгон энелер көбөйдү. Кантип жүрөгү чыдап жүрүшөт билбейм.

Nursultan2508

2021-01-06 00:59:42

Тооба кылдым, ушу жанылыкты окуп комментарий жазгым келип катталдым. Ушу аялдын ага инилери оздору орттоп салса болмок экен, куйоо соройун кошуп.Кызын кордоп жаткан эркекти орттоп, анан озу турмого кетсе жарашмак.

raia

2021-01-06 07:56:25

Айтканга соз жетпейт болгону ал эне эмес акмак ....

Nursul

2021-01-06 10:27:36

Атын чыкпаса өзүңдү өзүң өрттөп сал болуптур да. Бир артисттигин көргөзүп койойун деген экен да.

azalove

2021-01-06 14:03:00

Акмак аял!
Эне деген атка татыксыз макулук.
Милициянын жанына барбайле үйүңдө өрттөнүп өлбөйт белең намыссыз.

Комментарий калтыруу үчүн өз ысымыңыз менен кириңиз же каттоодон өтүңүз.