"UFC жылдызына айланабы?". Орусияда куруучу болуп иштеген өзбекстандык мушкер "UFC 257" турниринде атаандашын нокаутка учуратты

Бүгүн, 24-январда Абу-Даби шаарына жакын Яс аралында "UFC 257" турнири өтүп жатат. Турнирдин орто жеңил салмактагы беттешинин алкагында өзбекстандык Махмуд Мурадов менен америкалык мушкер Эндрю Санчес кез келип, анда Махмуд Мурадов атаандашынын үстүнөн техникалык нокаут менен жеңишке жетти.

Беттештин үчүнчү бөлүгүндө өзбекстандык мушкер атаандашын техникалк нокаутка учуратты. Калыс беттешти токтоткондо өзбекстандык мушкер эмоциясын жашыра албай, октагондон ашып өтүп, Дана Уайтка ыраазычылыгын билдиргенге жетишти.

Махмуд Мурадов өзүнүн жеңишин Өзбекстан элине, президентине, үй-бүлөсүнө жана кызына арнап, кайсы атаандаш туш келсе да беттешке даяр экенин кошумчалады.

Махмуд Мурадов буга чейин Орусияда куруучу болуп иштеп, андан кийин Чехияда күзөтчү болуп иштеген. Ал муну менен карьерасындагы 25-жеңишине жетти. Анын карамагында 6 жеңилүүсү бар.