"Саясий кереметке" жетиштик, эми "экономикалык кереметке" жетишүү мезгили келди". Вице-премьердин милдетин аткаруучу Финполдун жеке курамы менен кеңешме өткөрдү

Вице-премьер-министрдин милдетин аткаруучу Максат Мамытканов Экономикалык кылмыштуулукка каршы күрөшүү боюнча мамлекеттик кызматынын иши менен таанышты. Бул тууралуу өкмөттүн басма сөз кызматынан билдиришти.

Вице-премьер-министрдин милдетин аткаруучу экономикалык кылмыштуулук жаатындагы укук бузуулардын жана кылмыштардын алдын алуу, аны ачыктоо жана ага жол бербөө иретинде жаңыча мамиле зарыл экендигин белгиледи.

"Коомчулукта Финполиция кызматы коррупциялашкандыгы, ал эми анын кызматкерлери өз кызматтык абалдарынан колдоно тургандыгы тууралуу пикир орногон. Бирок бул пикирди өзгөртүүгө учур келип жетти. Биз өлкө тарыхындагы ачык-айкын шайлоону өткөрүү менен "саясий кереметке" жетиштик, эми "экономикалык кереметке" жетишүү мезгили келди. Аны ишке ашыруу ар бирибизден көз каранды. Күч-аракетибизди 100 пайыз жумшап, жаңы деңгээлге чыгуубуз керек. Коррупциялык көрүнүштөргө терс караган коомдо гана өнүгүп-өсүү орун алат", - деди ал.

Максат Мамытканов 10 күндүк мөөнөттө мамлекеттин экономикалык коопсуздугун, коомдун, ишкер субъектилеринин жана жарандардын мыйзамдык укуктарын жана кызыкчылыктарын камсыздоо боюнча ишти жакшыртуу боюнча сунуш берүүнү тапшырды.

2020-жылдын жыйынтыгы боюнча экономикалык кылмыштуулукка каршы күрөшүү боюнча мамлекеттик кызматтын ар бир кызматкерине жекече баа берилип, ишин ак ниет алып барбаган жактарга карата чаралар кабыл алынат.

Максат Мамытканов белгилегендей, өкмөт алдыга коюлган милдеттерди чечүүдө максималдуу көмөк көрсөтөт.

Автор: Жылдыз Джускембаева

16:56 27-01-2021

Жазылуу

РУБРИКАДАГЫ СОҢКУ КАБАРЛАР

17:53 2025-06-17 | Саясат

Садыр Жапаров "Борбор Азия – Кытай" саммитине катышууда 40 0

17:35 2025-06-17 | Коом жана турмуш

Блог: Петра – таштан жаралган тарых 979 0

17:17 2025-06-17 | Коом жана турмуш

Суу шалаакылыкты кечирбейт! ӨКМ суу коопсуздук эрежелерин сактоого чакырат 87 0

16:53 2025-06-17 | Бизнес-Инфо

Киреше алып келген QR-төлөмдөр: ишкерлер үчүн Компаньон Банкынын акциясы 110 0

16:41 2025-06-17 | Кылмыштар, кырсыктар

ИИМ Камчы Көлбаевдин инисинин кармалышы боюнча маалымат берди 714 0

16:15 2025-06-17 | Түркүн дүйнө

Иран Израилдин чалгындоо кызматынын имаратына сокку урду (видео) 1622 0

Архив

Комментарийлер (1)

nurikkg90

2021-01-27 17:18:31

Эркек экенсинер иштегиле силердин да иштегенге акынар бар. жеп ичип тойбой жургондор деле иштешти.аракет кылып чуркап журуп мээнетинер менен келдинер ак жол ийгилик ишинерге

Комментарий калтыруу үчүн өз ысымыңыз менен кириңиз же каттоодон өтүңүз.