"Дайыма уйкусурап жүргөн адамдарга окшош". Тоолук вискашка жаныбары тууралуу уккансызбы?

Таң эрте коомдук транспортко түшсөң уйкусу келип, маанайы жок жүргөн адамдарды көп көрөсүң. Сиз деле ошолордун катарын толуктасаңыз керек ээ?

Андай болсо сиздерди дайыма уйкусу келип жүргөндөй элес калтырган тоолук вискашка жаныбары менен тааныштырабыз.

Тоолук вискашка же түштүктүк вискача кемиригичтердин түрүнө кирет. Аргентина, Боливия, Чили жана Перунун тоолорунда байыр алган. Алар деңиз деңгелинен 2400 - 5000 метр бийиктикте жашашат. Вискашканын жаңы төрөлгөн бөжөгү дароо эле каттуу жашылчаларды жегенге жөндөмдүү. Вискашкалардын салмагы 3 килограммга чейин жетет.

Автор: Айзада Тураркулова