Япониядагы жер титирөөдөн жабыркагандардын саны жүздөн ашты (сүрөт, видео)

Япониядагы алты префектурасында болгон жер титирөөдөн жабыркагандардын саны 103кө жетти. Бул тууралуу жергиликтүү Киодо агенттиги жазды.

Буга чейин кырсыктан кеминде 50 адам жабыркаганы тууралуу кабарланган.

Курмандыктар Мияги, Фукусима, Ибараки, Точидиги, Сайтама жана Чиба префектураларында болгон. Жабыркагандардын көпчүлүгү Фукусимада катталып, кырсыктан 52 адам жаракат алган.

Япониянын түндүк-чыгышында Тынч океанындагы Фукусима префектурасынын аймагында күчү 7,3 баллга жеткен жер титирөө болгон. Жер титирөө Токиодо дагы сезилди, алардын күчү борбордо болжол менен 4 баллды түзгөнү кабарланды.

Бул аймакта атомдук электр станцияларында авариялык абал же радиациянын агып кетиши аныкталган эмес. Жер титирөөнүн кесепетинен Токиодо жайгашкан Канто жана Тохоку аймактарында дээрлик 1 миллион үй-бүлө электр жарыгысыз калган.