Мьянмада интернет толугу менен өчүрүлдү

Аскер бийлигине каршы уюштурулган нааразычылык акцияларынан кийин Мьянмада интернет дээрлик үзгүлтүккө учурады. Бул тууралуу чет элдик басылмалар жазып чыгышты.

Маалыматка ылайык, өлкөдө түнкү саат 1:00 чамасында интернет толугу менен өчүрүлүп, тармакка кирүү ылдамдыгы адаттагыдан 14 пайызга чейин төмөндөгөн.

БУУнун Мьянмадагы адам укуктары боюнча атайын баяндамачысы Томас Эндрюс Твиттердеги баракчасына "түнкү рейддер күчөдү, кармалгандардын саны өсүүдө" деп жазып чыкты. "Барган сайын адам укуктары бузулган окуялар көбөйдү, аскер колонналары калктуу конуштарга кирип жатат. Интернеттин өчүрүлүшү да буга кошумча болду", - деп жазды ал.

1-февралда Мьянмада бийлигин аскерлер көзөмөлгө алып, өлкө көп партиялуу демократиялык системге өткөндүгүн жарыялаган. Аскер бийлиги өлкө боюнча бир жылга киргизилген өзгөчө кырдаал аяктагандан кийин шайлоо өткөрүүнү убада кылышкан. 1-февралдын таңында кармалган "Демократия үчүн улуттук лига" партиясынын депутаттары 3-5-февралда бошотулган. Бирок өкмөт лидерлери, анын ичинде Мьянманын тактан түшүрүлгөн президенти У Вин Минт жана Улуттук коопсуздук кеңешинин лидери, Мамлекеттик кеңешчи Аун Сан Су Чжи үй камагында калган.

Ошол эле учурда Мьянмада массалык нааразычылыктар уланууда. Алар аскердик бийликти демократиялык жол менен шайланган өкмөткө кайтарып берүүнү, 2020-жылы 8-ноябрда шайланган парламенттин биринчи сессиясын чакырууну жана камакка алынган лидерлерди токтоосуз бошотууну талап кылышууда. Өлкөдө доктурлар, мугалимдер, мамлекеттик кызматкерлер жана жеке ишканалардын кызматкерлери аскердик бийликтин келишине каршы нааразычылыгын билдирип, иш ташташкан.

Автор: Самира Шарипова

14:09 15-02-2021

Жазылуу

РУБРИКАДАГЫ СОҢКУ КАБАРЛАР

09:29 2025-05-17 | Кылмыштар, кырсыктар

Бишкектин мурдагы вице-мэри алдамчылыкка шек саналып кармалды 72 0

08:49 2025-05-17 | Кылмыштар, кырсыктар

Бишкекте унаасында эсин жоготкон киши каза тапты (видео) 345 0

08:35 2025-05-17 | Кылмыштар, кырсыктар

"Турист катары келишкен". Бишкекте мыйзамсыз иштеп жүргөн кытайлыктар аныкталды 341 0

21:49 2025-05-16 | Саясат

Бишкекте ЖККУ ПАнын Кеңешинин көчмө жыйыны өтөт 533 0

21:19 2025-05-16 | Саясат

Президент беш калктуу конушту айыл категориясына киргизүү боюнча мыйзамга кол койду 1599 0

17:43 2025-05-16 | Супер-Инфо

Сүйүн Откеев, режиссёр: “Чоочун киши” сериалында эч ким күтпөгөн финал болот” 583 0

Архив

Комментарийлер (1)

Taalai-bek

2021-02-15 15:52:23

Бул аскерий бийлигин кетирбесе алардын ичиндеги мусулмандарга дагы залалын тийгизгенин 2.3 жыл мурун корбодукпу? Значить мусулман эмес жөнөкөй карапайым калкы да каршы аскердик бийлигине.

Комментарий калтыруу үчүн өз ысымыңыз менен кириңиз же каттоодон өтүңүз.