АКШда аза күтүү жарыяланды. Коронавирустан жарым миллион адам каза болду

АКШда аза күтүү жарыяланды. Бул тууралуу чет элдик басылмалар жазып чыгышты.

Маалыматка ылайык, АКШда коронавирустан жарым миллион адам каза болду. АКШнын президенти Жо Байден коронавирустан 500 миңден ашык адам каза болгонуна байланыштуу 5 күндүк аза күтүү жарыялады.

Бүгүн, 23-февралга карата дүйнөдө коронавирус инфекциясын 111 миллион 700 миң 418 адам жуктуруп алды.

Коронавирус эң көп катталган өлкөлөрдүн сап башында АКШ турат. Анда ооругандардын жалпы саны 28 миллион 186 миң 824 болду. 500 миң 201 адам каза болсо, 12 миллион 125 миң 806 бейтап айыгып чыкты.

Автор: Жылдыз Джускембаева