Референдум тууралуу мыйзам долбооруна добуш берүү алдында экиден мышка менен отурган депутаттар бар

Бүгүн, 10-мартта Жогорку Кеңештин жыйынында референдум тууралуу мыйзам долбоору каралууда.
Анда референдум тууралуу мыйзам долбооруна добуш берүү күтүлүүдө. Бул арада журналисттер айрым эл өкүлдөрү компьютерге уланган 2 мышка менен отурганын байкашты.

Видеодо көрүнгөндөй, "Өнүгүү Прогресс" партиясынан депутат Уланбек Исмаловдун алдында 2 мышка турат. Буга чейин депутаттар добуш берүү прецессинде бири-бири үчүн же келбеген эл өкүлдөрү үчүн добуш берип койгон учурлары далай ирет талкууга алынып келген.

Ал депутат Гүлшат Асылбаеванын ордуна добуш берип жатканын SUPER.KG порталына билдирди. Анын айтымында, Асылбаевага ага ишеним кат таштап кеткен.