"Үч ай бою өткөрүлөт". Жалал-Абадда массалык ишембилик өттү

Кечээ, 13-мартта Жалал-Абад шаарында массалык ишембилик өттү. Ага мекеме-ишканалардын жамааттары жана жашоочулар катышты. Бул тууралуу шаардык мэриянын басма сөз кызматынан билдиришти.

Билдирүүгө ылайык, шаар мэри Эрнисбек Ормоков жүрүп жаткан иштер менен таанышып, өзү да калаа тургундары менен чогуу ишембиликке чыккан.

Анда эс алуучу сейил бактар, коомдук жайлар, көп кабаттуу үйлөрдүн жана ишканалардын айланасы тазаланып, бак-дарактар актап-сырдалган.

Мэрдин буйругуна ылайык, массалык ишембилик үч ай бою өткөрүлөт.

Автор: Азат Бейшенбеков