"Кыргыз өлкөсүнүн Орусиядагы сулуусу" наамын алган Баяна: "Мекенимдин атын чыгарсам дейм" (маек)

Буга чейин Москвада "Кыргыз өлкөсүнүн Орусиядагы сулуусу" аталышындагы сынак болуп өткөн. Сынактын жеңүүчүсү болуп 20 жаштагы Баяна Бакытбек кызы табылып, ага "Дүйнө сулуусу-2021" сынагына жолдомо ыйгарылган.

SUPER.KG порталы жеңүүчү кыз менен маектешип, алдыдагы пландары тууралуу кеп кылды.

- Сыйлык кут болсун, Баяна! Алгач эле өзүңүз жөнүндө айтып берсеңиз.

- Мен Жалал-Абад облусунун Токтогул районуна караштуу Саргата айылында жарык дүйнөгө келгем. Атам ширетүүчү болуп эмгектенет, апам болсо тигүүчү. Үй-бүлөдө төрт бир туугандын үчүнчүсүмүн. Орусияга үй-бүлөбүз менен бир жыл мурун көчүп келгенбиз. Учурда Бишкектеги финансы-экономикалык техникумунун 3-курсунун студентимин. Москвага көчүп келгенибизге байланыштуу сырттан окуу бөлүмүнө которулууга туура келди.

- Бул сынакка кандайча катышып калдыңыз?

- Мындай сынактарга катышуу менин кыялым болчу. Тааныш кызым "катышып көрбөйсүңбү" деген сунуш менен Инстаграм социалдык тармагындагы жарнаманы жөнөтүп калды, мен ал баракчага кайрылып, анан катышып калдым.

- Алдыда кандай максатыңыз бар?

- Буга чейин тил үйрөнүп, дүйнө жүзүнө саякаттасам деген максаттарды койгом. Ал эми сынакка катышкандан кийин пландарым бир аз өзгөрдү, учурдагы максатым "Дүйнө сулуусуна" катышып, Таиландга барып Кыргыз өлкөмдүн атын чыгаруу болуп саналат.

- Мекенге кайтып келип моделдик кесипти баштайм деген ойлоруңуз барбы?

- Негизи андай ойлорум бар, бирок азыр алдыга койгон пландарым башка, ошол пландарымды ишке ашырсам калганын убакыт көрсөтөт. Ата-энем болсо мен кызыккан нерсеге ар дайым колдоо көрсөтүп турат.

- Жеңүүчү кандай талаптардын негизинде тандалды?

- Бул сынак калыс өттү деп айтсам болот. Калыстардын тобу бир эле кыргыздардан түзүлгөн жок, орус элинин көрүнүктүү адамдары дагы катышты. Талаптар көп болчу таланттан баштап, бардык нерсени карап, анан жыйынтык чыгарышты. Калыстар тобунун туура чечим чыгарганына жана уюштуруучуларга ыраазычылык билдирем.

Автор: Гүлзина Каныбекова
Фото: Баяна Бакытбек кызы

17:04 16-03-2021

Жазылуу

РУБРИКАДАГЫ СОҢКУ КАБАРЛАР

10:01 2025-07-05 | Коом жана турмуш

Ошто сууга түшүп кеткен эки өспүрүмдүн сөөгү табылды 35 0

09:40 2025-07-05 | Коом жана турмуш

Бишкекте үч эм наристе төрөлдү 174 0

09:20 2025-07-05 | Коом жана турмуш

Блог: Siberian Wellness – табияттын күчүн илим менен бириктирген компания. Тоолуу Алтай менен Новосибирскке болгон сапар 1779 0

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1956 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 508 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1536 0

Архив

Комментарийлер (4)

Haanykeim

2021-03-16 18:58:31

Татынакай кыз экен,ийгилик..

Mirlan27011987

2021-03-16 19:13:47

Аял затынын сулуулугу - көздү жаркыраткан, жүрөктү жылыткан нерсе. Аялдын сулуулугу негизги баалуулуктардын бири, сулуулугу жок аял заты коом учун кызыктуу болбой калат. Баяна абдан келбетуу экенсин.

-4

mirlanpiter

2021-03-16 19:44:37

Карындаш ийгилик каалайм, бирок подиумга жарым жылаңач болуп чыкпа!!

Mirlan27011987

2021-03-16 20:07:32

mirlanpiter,
Кыздардын денесинен коркой эле кой. Сени жеп жибербейт. Тескерсинче фигурасын карап, суктанган мырзалар коп

-9

Комментарий калтыруу үчүн өз ысымыңыз менен кириңиз же каттоодон өтүңүз.