Ысык-Көлдө акыркы бир аптада 239 жол эрежесин бузуу фактысы катталып, 12 протокол түзүлдү

Ушул жылдын февраль айынын орто ченинде ар кандай кылмыштарга жана окуяларга тез аранын ичинде аракет көрүү максатында Каракол, Чолпон-Ата жана Балыкчы шаарларында 10 милициянын мобилдик тобу түзүлгөн.

Анын жыйынтыгында, 9-марттан 16-мартка чейинки аралыкта аталган милициянын мобилдик топтору тарабынан 239 жол эрежелерин бузуу фактысы аныкталды. Анын ичинен 13 айдоочу унааларын мас абалында башкарса, коомдук жайларда спирт ичимдиктерин ичкендиги үчүн 12 протокол түзүлүп, сот тарабынан айып пул салынды.

"102" байланышына түшкөн 58 маалыматтар боюнча жер-жерлерге чыгышып, мыйзам чегиндеги тийиштүү иш-аракеттер көрүлдү.

Автор: Айсалкын Качкынбекова