"Киши өлтүрүү", "Чек арадан мыйзамсыз өтүү" жана башка. Чек арадагы окуя боюнча 11 кылмыш иши иликтене баштады

Ички иштер министрлиги чек арага чектеш аймактарда катталган фактылар боюнча кылмыш ишин иликтөөнү баштады. Бул мыйзамсыз аракеттердин кесепетинен кыргыз тарап көптөгөн зыяндарга учураганын министрликтин басма сөз кызматынан кабарлашты.

"2-майга карата Кылмыштардын жана жоруктардын бирдиктүү реестрине Кыргыз-Тажик чек арасында болгон куралдуу кагылышуулардын жүрүшүндө жасалган кылмыштар боюнча 11 материал катталган. Алардын ичинен 8 ишти Баткен РИИБинин тергөө кызматы, 3 кылмыш ишти Лейлек РИИБинин тергөө кызматы иликтеп жатат.

Баткен облусундагы иликтене турган иштердин өтө көп экендигине байланыштуу жергиликтүү тергөөчүлөргө жардамга ИИМдин тергөө кызматынан жыйырма тажрыйбалуу кызматкер жөнөтүлдү. Учурда келтирилген чыгымдын эсеби такталууда. Иликтөө иштери жүрүп жатат", - деп маалымдашты.

Кылмыштардын жана жоруктардын бирдиктүү реестрине катталган материалдар: Кыргыз Республикасынын Жазык кодексинин 264-беренесинде (массалык баш аламандык), 380-беренесинде (тынчтыкка каршы кылмыш), 210-беренесинде (башка бирөөнүн мүлкүн жок кылуу же талкалоо), 266-беренесинде (бейбаштык), 358-беренесинде (мамлекеттик чек арадан мыйзамсыз өтүү), 130-беренесинде (киши өлтүрүү) көрсөтүлгөн кылмыш белгилери, анын ичинде куралдан атуунун кесепетинен Лейлек районундагы он эки жаштагы кыздын өлүмү, Баткен районунун Ак-Сай айыл аймагындагы Головной тилкесинде миномёттен атылган октон 25тен ашык жергиликтүү тургундардын массалык түрдө өлтүрүлүшү (саны такталып жатат), жолдордогу унааларды аткылоо, анын ичинде да курман болгондор катталган.

Кыргыз өлкөсү менен Тажикстандын чек арасындагы абал 29-апрель күнү таңга маал курчуп кеткен. Акыркы маалыматтар боюнча, кагылышуудан кыргыз тараптан 178 адам жаракат алып, 34 адам каза болду.

Кыргыз-Тажик чек ара аймактарындагы куралдуу жаңжалдан улам жалпы 51 миң 398 жаран коопсуз жайларга эвакуацияланган.

Автор: Бактыгүл Момбекова

16:44 02-05-2021

Жазылуу

Тектеш кабарлар:

Чек араны делимитациялоо жана демаркациялоо боюнча өкмөттүк делегациялардын сүйлөшүүлөрү жыйынтыкталды. Кыргыз-Тажик чек арасындагы акыркы окуялар бир шилтемеде (хронология)

Вице-премьер: "Көк-Таш–Ак-Сай–Тамдык унаа жолдорун курууга 25 миллион сом бөлүндү"

Кыргыз-Тажик чек арасындагы абал: Бир аскер кызматкери октон жабыркады

Спикер Кыргыз-Тажик чек арасында болгон окуя боюнча маалыматты бүгүн саат 14:00дө угууну сунуштады

"Чек аранын чок ортосундагы үйдү өрттөп салышты". Баткендин Көк-Таш айылынын тургуну аймактагы абалдын кооптуу экенин айтты (видео)

Депутат Төрөбаев: "Менин оюмча, Кыргыз-Тажик чек арасындагы чыр токтобойт"

Кыргыз-Тажик чек арасындагы жол жабык бойдон калууда

"Кыргыз жараны Эсен Маджитовду Тажикстан өздөрүнө туткун кылмак ниетте". Бишкекте анын боштондугун талап кылган митинг өтүп жатат

Чек ара кызматы: "Кыргыз-Тажик чек арасында абал турукташа баштады"

"Баткен районунун үч айыл өкмөтү анклав болгону турат" деп айылдык кеңештин депутаттары билдирүү жасады (видео)

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 266 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 1187 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1194 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 475 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 593 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 932 0

Архив

Комментарийлер (10)

Muslim_KGstana.

2021-05-02 16:51:53

Козголгону менен пайда жокда.

Кана кимди кармап,камап ийесинер????

+14

Antiradikal3

2021-05-02 17:53:08

Muslim_KGstana., Биздин алсыз коркок бийликтин кучу куралсыз жонокой оз атуулдарыбызга гана жетет. Тилинди жулуп аламын, камаймын, сен чагымчылсын, провокаторсун, бузукусун деп.

Тажиктер шылдындап кетти, ошол тажиктерге тен келе албаган коркок бийлигибизге мин наалат болсун, ошончо маркумдун каны силердин мойнунарда....

Nara5

2021-05-02 16:56:05

Аа эми тажиктен калган баткендиктерди булар камайтда

nuri9999

2021-05-02 17:32:19

Эл аралык сотко бериш керек!

-1

Antiradikal3

2021-05-02 17:54:03

nuri9999, жомок айтпачы. Каяктагы эл аралык сот имиш? Буга чейин кимди же кайсы олкону чоголоткон имиш ошол сен ишенген сотторун?

Dembele84

2021-05-02 17:36:18

Кылмыш козгой берип тажабадынарбы?А ошонун толку болсо гана.Биздин жоокерлерди текшерип эмнеге ок аттын кана октор деп ошолорду камаса керек
.

Belek1710

2021-05-02 17:50:12

Биздин солдаттарга козгоп коймой адаты бар эле, буйрук бербесек тынч жаткан тажик элине курал колдонду деп.

Antiradikal3

2021-05-02 17:54:39

Belek1710, биздин чимкириктердин колунан келээри ошол. Элди чагымчыл, бузуку, провокатор деп журот Жапаров баш болуп, дакансалары тош болуп, жуздоп миндеп троллдору кош колдоп. Жапаровдун чыныгы жузу ушул экен. Элди окко тосуп берсе троллдору "биз уттук, Жапаров кеменгер" деп мактап отурат......

munduz2016

2021-05-02 18:14:19

Колуңардан кокос келбегенден кийин напик кереги бар иш ачып.Иш ачып акча алып уйронгонсунор ,а булар карматпайт да бербейт дагы.

munduz2016

2021-05-02 18:22:34

Ишти озубуздун СНБ кызматкерлерине,чекарачыларга козгош керек.

Комментарий калтыруу үчүн өз ысымыңыз менен кириңиз же каттоодон өтүңүз.