Кайра шайлоо. Шайлоочулардын алдын ала тизмеси шайлоо участкаларында илинди

Шайлоочулардын алдын ала тизмеси шайлоо участкаларында илинди. Бул тууралуу Борбордук шайлоо комиссиясынын басма сөз кызматынан билдиришти.

Маалыматка ылайык, шайлоочулардын алдын ала тизмеси шайлоочулар өздөрү тууралуу маалыматтарды такташы үчүн 9-июндан тартып шайлоо участкаларында илинди.

2-июндан тартып Мамлекеттик каттоо кызматы түзгөн шайлоочулардын алдын ала тизмеси түзүлүп, шайлоочулардын “Тизме” - tizme.gov.kg мамлекеттик порталына жайгаштырылды.

9-июнга карата үч шаар боюнча шайлоочулардын саны 610 миң 160 шайлоочуну түздү. Анын ичинде Бишкек– 424 миң 853 (69,6 пайыз), Ош – 148 миң 143 (24,3 пайыз), Токмок – 37 миң 164 (6,1 пайыз).