Айзада Канатбекованын өлүмү. Сот чечим чыгарды

Бүгүн, 14-сентябрда Бишкектин Биринчи Май райондук сотунда ала качуунун курмандыгы болгон Айзада Канатбекованы ала качкандар боюнча сот чечим чыгарды.

Анда 5 айыпталуучунун иши каралып, аларды сот күнөөлүү деп тапты.

Замирбек Раманкулов, Кубаныч Токон уулу 6 жыл 6 айга эркинен ажыратылса, Сыймык Молдосариев, Ажыкабыл Рысбай уулу, Орузбек Нурумбетов 7 жылга эркинен ажыратылды.

Ошондой эле ар бир соттолуучу 100 миң сом өлчөмүндө жабырлануучу тарапка айып төлөөгө милдеттендирилди.

Окуянын чоо-жайы:

27 жаштагы Айзада 5-апрелден бери дайынсыз болуп, сөөгү 7-апрелде Бишкектин четиндеги Арашан жана Чокморов айылдарына жакын жердеги талаада унаадан табылган.

Бишкек шаардык милиция кызды уурдоого шектүү алгач кызды муунтуп өлтүрүп, андан кийин өзүнө бычак сайып жан кыйганын билдирген.

Каза болгон кыз менен жигиттин сөөгүнө экспертиза дайындалды. Кийинчерээк Бишкек ШИИББинин жетекчилиги маалымат жыйын өткөрүп, Айзаданын өлүмүнө шектелген жаран 6 жылдан ашык түрмөгө отуруп чыкканын, үй-бүлөсү бар экенин маалымдады.

Алгачкы маалыматтарга ылайык, Айзаданы Бишкектеги Тыныстанов менен Медеров көчөлөрүнүн кесилишинен белгисиз адамдар ала качышкан. Интернетке үч киши көчөдөн бир кызды күч менен унаага салып кеткени тууралуу видео тараган. Тасма видеокөзөмөлгө жазылып калган. Кыз уурдалган учурда жолдо өтүп бараткан кишилер реакция кылышкан эмес.

Буга байланыштуу Бишкекте жана Ошто күнөөлүүлөрдү жазалоо, мындай көрүнүштөргө жол бербөө жана ИИМдин жетекчилигинин кызматтан кетишин талап кылган акциялар өтүүдө.

8-апрелде Айзаданын сөөгү Балыкчы шаарында жерге берилген. Аны уурдоого шектелгендердин бардыгы кармалып, СИЗО-1ге камакка алынган.

30-апрелде Бишкек ШИИББи Айзада Канатбекованы уурдоо боюнча тергөө амалдары аяктап, иш сотко жөнөтүлгөнүн кабарлаган.

Автор: Айсалкын Качкынбекова

09:53 14-09-2021

Жазылуу

РУБРИКАДАГЫ СОҢКУ КАБАРЛАР

23:45 2025-05-20 | Коом жана турмуш

Ошто көчөт отургузуу, жолдорду иретке келтирүү иштери түнү да уланууда (видео) 304 0

23:01 2025-05-20 | Кылмыштар, кырсыктар

Ысык-Атада сарайдан чыккан өрттөн жаш бала жабыркап, мал-жандыктар тирүүлөй күйүп кетти 427 0

22:21 2025-05-20 | Спорт

Өлкөнүн футбол боюнча улуттук курамасы машыгууга барчу оюнчуларын тизмектеди 400 0

22:03 2025-05-20 | Кылмыштар, кырсыктар

Таласта мыйзамсыз менчиктештирилген бала бакча мэрияга кайтарылды 257 0

21:40 2025-05-20 | Саясат

Садыр Жапаров иш сапары менен Мажарстанга барды (видео) 915 0

21:02 2025-05-20 | Саясат

Милдеттүү түрдө сот отурумдарын аудио, видеого жазуу керек. Президент мыйзамга кол койду 514 0

Архив

Комментарийлер (3)

Sajakat14

2021-09-15 03:02:16

Зөөкүр, зордукчул,адам уурдагычтарга сабак болсун!

Sajakat14

2021-09-15 03:09:50

Айзаданын жаткан жери жайлуу болсун!Жапжаш кыздын өмүрүн үзүштү зөөкүрлөр!Буга милициялардын Айзаданын өмүрүнө кол салуу болуп жатканына жоопкерчиликсиз мамиле кылганында болду!Милиция өз милдетин элдин астында аткарганга милдеттүү! Зөөкүрлөр эркек болсо эле милициядагы иштеген эркектер эркекчилик деп эркектерди колдоп, аялдардын,кыздардын кайрылуусуна, энелердин көз жашына кол шилтеп көңүл бурбай кою кайталанбашы керек!!!

Sajakat14

2021-09-15 03:15:55

Милиция кызматкерлери кайрылган Кыргызстандын жарандарынын жынысына карабай мыйзам чегинде дыкаттык менен, жоопкерчилик менен иштеп жардам бергенге милдеттүү!
Болбосо сексуалдык маньяктар алакачымыш болуп кыздарыбызды өлтүрүшөт! Ала качуу бул кишини уурдоо! Ашык баш болуп талаада жаткан эч кимдин кызы жок каалагандай өлтүрө бергидей, кыйнай бергидей!Ата энелер дагы кыздарын кызымды зордуктап, өлтүрүп кетишсин, милиция кызматкерлери кайрылууга кош көңүл мамиле кылсын деп чоңойтушпайт!

Комментарий калтыруу үчүн өз ысымыңыз менен кириңиз же каттоодон өтүңүз.