Министрлик:"Бишкекте тамакка ууланган 12 адамдын үчөө жаш балдар. Алар "Империя Пиццы" тамактануучу жайынан тамактанышкан

Бишкекте тамакка ууланган 12 адам жугушутуу оорулар ооруканасына кайрылышкан. Бул тууралуу Саламаттыкты сактоо министрлигинин басма сөз кызматынан билдиришти.

Маалыматка ылайык, 23-октябрдан 24-октябрга караган түнү ооруканага 12 адам кайрылган. Алардын үчөө жаш балдар.

"Учурда ооруканада 3 аял дарыланууда. Абалдары туруктуу. Калганы биринчи амбулатордук жардамдан кийин үйлөрүнө кетишкен. Мамлекеттик санитардык -эпидемиологиялык көзөмөлдөө борборунун тамак -аш коопсуздугу боюнча бөлүмүнүн башчысы Махамат Мурзашеванын айтымында, жабырлануучулар шаардагы "Империя пиццы" тамактануучу жайынан тамактанышкан. Учурда адистер эпидемиологиялык иликтөө иштерин жүргүзүшүүдө, анын жыйынтыгы менен кошумча маалымат берилет", - деп жазылат маалыматта.

Автор: Айсалкын Качкынбекова