"Үстүндө кийими жок абалда табылды" Сумаянын өлүмү боюнча "адам өлтүрүү" беренеси менен кылмыш иши козголду

Жалал-Абад облусунун Сузак районунда дайынсыз болуп, кечээ жансыз денеси табылган Сумая Хосилжанованын өлүмү боюнча "киши өлтүрүү" беренеси менен иш козголду. Бул тууралуу Жалал-Абад ОИИБинин басма сөз кызматынан билдиришти.

"Дайынсыз болуп жаткан Сумаяны издөө иштерине жалпысынан 63 милиция кызматкери, 250 элдик кошуун жана коомчулуктан 150 ыктыярчы тартылып, Сузак айылынын 8540 кожолук, курулуп бүтпөй кароосуз калган 14 имарат, кароосуз калган 25 гараж, Жалал-Абад-Сузак каттамында каттаган 6 маршруттук такси жана 78 менчик таксилер текшерүүгө алынган. Атчан ыктыярчылар менен биргеликте эгин талааларда да издөө иштери жүргүзүлгөн. Ошондой эле 29 видеокамера текшерилген. Бирок Сумая бир дагы видеокамерага түшкөн эмес.

Сумаяны издөө иштери Жалал-Абад шаарынын аймагында да улантылган. Сузак РИИБинин жана элдик кошуундар тарабынан курулушу бүтө элек, кароосуз калган 19 имарат жана 22 гараж текшерилген. Анын сүрөтү жана маалыматтар башка аймактарга да таратылган.

27-ноябрь күнү саат 17:00 чамасында Сузак РИИБине балык уулап жүргөн Сузак районунун 1967-жылы туулган тургуну телефон чалып Арал айылы аркылуу агып өткөн Көк-Арт дарыясынын жээгинде жаш кыздын жансыз денеси жаткандыгын кабарлаган.

Айтылган дарекке Жалал-Абад ОИИБинин жана Сузак РИИБинин жетекчилиги барган. Суунун жээгинен 8-12 жашар кыздын жансыз денеси үстүндө кийимдери жок абалда табылган. Окуя болгон жерде жансыз денеге сырттан кароо жүргүзүлүп, оор жаракаттар байкалган эмес.

Ошондой эле жансыз дене дайынсыз болуп изделип жаткан Сумая Хосилжанова экендиги аныкталган.Текшерүү иштеринен кийин Кылмыштардын жана жоруктардын бирдиктүү реестрине "киши өлтүрүү" беренеси менен каттоого алынып, сотко чейинки өндүрүш иши ачылган.

Учурда тергөө кызматы тарабынан ар кандай божомолдордон турган иш мерчемдер иштелип чыгып, кылмыштын бетин ачуу максатында ыкчам иш-аракеттер жүргүзүлүп жатат", - деп билдиришти басма сөз кызматынан.

Автор: Айсалкын Качкынбекова

16:54 28-11-2021

Жазылуу

РУБРИКАДАГЫ СОҢКУ КАБАРЛАР

13:46 2025-05-24 | Түркүн дүйнө

Гамбургда аялдын бычак менен кол салуусунан улам 17 киши жарадар болду 58 0

12:43 2025-05-24 | Саясат

Президент өлкөдө быйыл канча стадион оңдоп-түзөөдөн өтө тургандыгын билдирди 290 0

12:18 2025-05-24 | Кылмыштар, кырсыктар

Ак-Талаанын Каржы башкармалыгынын жетекчиси кызматтык унаасына байланыштуу кармалды 507 0

11:36 2025-05-24 | Түркүн дүйнө

Казакстанда мектеп бүтүрүүчүлөрүнүн катышуусунда жол кырсыгы катталды (видео) 1255 0

11:02 2025-05-24 | Коом жана турмуш

Ошто тротуарларды калыбына келтирүү иштери түнү да жүрүп жатат (видео) 482 0

10:35 2025-05-24 | Коом жана турмуш

"Жеңгендер Москвага барат". Башкы прокуратура жаштар арасында сынак жарыялады 561 0

Архив

Комментарийлер (7)

KG-312

2021-11-28 15:51:28

Байкуш Бейиштин кушу болуп кете бериптирда!!!

+13

aika2013

2021-11-28 16:11:46

Оздорунун колу коншу , душмандары кылган окшоит, Ата энесинде очу бар Бир зоокур! Табылып Омур бою турмодо чирип олсун!

Fernando_Torres

2021-11-28 18:28:07

aika2013,өзү таныган эле бирөө кылатда душман башка жактан ушул кызга келип эмне анчалык жамандык кылыптырбы бул кыз башка жактагы бирөө келбейт ТАНЫБАЙТ жаш баланы ошол Сузактагы эле чыгат допрос кылса

Egizderim-baktim

2021-11-28 16:50:23

Козумо жаш келип ыйладым, бата кылдым бейишинди сурадым... Балапаным, аман эсен табылды деген жанылык окуйм деп кирдим эле... Бейишине алсын, ата энесине сабыр тилеймин. Жалган маалымат тараткан аялды да жазалагыла

kabylan.dili

2021-11-28 20:24:38

Egizderim-baktim, эмне деп жалган маалымат таратты эле

Jaysan030

2021-11-28 20:58:54

Органы жок табылды деп маалымат тараткан
3 кун мурун.

mira28

2021-11-29 12:58:37

Балдардын келечегин ойлоп митинге чыгыш керек,жазаны женил берип балдар кор болду Кыргызстанда.Шайлоону токтотуп мына эл чогулуп ушул окуянын аягына чыгарышын талап кылуу керек.

Комментарий калтыруу үчүн өз ысымыңыз менен кириңиз же каттоодон өтүңүз.