Казакстанда коронавирустун омикрон штаммына байланыштуу бир канча чектөөлөр киргизилди. Бул тууралуу жергиликтүү басылмаларга Казакстандын саламаттыкты сактоо министринин биринчи вице-министри Марат Шоранов билдирген.
Маалыматка ылайык, өлкө аймагына омикрон штаммынын кирүүсүнө жол бербөө максатында 3-декабрдан тарта жаңы чаралар киргизилип баштайт.
- Ботсвана, Түштүк Африка Республикасы, Лесото, Намибия, Зимбабве, Мозамбика, Малави, Мадагаскар, Эсватини, Танзания жана Гонконгдун жарандарынын өлкөгө кирүүсүнө чектөө киргизилет.
- Коронавирустук инфекциянын түрү аныкталган өлкөлөрдөн (Израиль, Чехия, Нидерланды, Улуу Британия, Италия, Германия, Австралия, Канада) келген жарандардан вакцина алганына карабастан милдеттүү түрдө ПЦР-тест талап кылынат.
- Омикрон штаммы катталган өлкөлөрдөн келген жарандардын ПЦР-тести терс жыйынтык көрсөтсө да, 7 күнгө изоляцияда болуусу керек.
- Египет менен болгон авиа каттамга чектөө киргизилет.