Саламаттыкты сактоо министрлиги: "Фрунзе гипермаркетинин бир кызматкеринен коронавирус аныкталды" (видео, хронология)

Бүгүн, 12-майда саламаттыкты сактоо министринин орун басары Нурболот Үсөнбаев өлкөдөгү эпидемиологиялык абал тууралуу маалымат берди.

2020-05-12 10:31:00

Эне жана баланы коргоо борборунда дагы эки адамдан коронавирус катталганына байланыштуу кабыл алуу токтотулган.

2020-05-12 10:27:00

Республика боюнча коронавирус 14 кош бойлуу аялда катталган.

2020-05-12 10:25:00

"Бишкекте "Фрунзе" гипермаркетинде иштеген кызматкерден коронавирус аныкталды. Ал өзү келип текшерилген. Ал жакта иштегендердин баарына лабораториялык тест жүргүзүлгөн", - дейт Нурболот Үсөнбаев.

2020-05-12 10:22:00

Коронавирус менен ооругандардын арасында басымдуу бөлүктү 20 жаштан 60 жашка чейинкилер ээледи. Бул көрсөткүч калктын жалпы санынан 71 пайызды түздү.

2020-05-12 10:20:00

"Апрелдин аягында коронавирус жуктургандар азайып баштаган. Бирок сырттан келгендердин катталганына байланыштуу кайра көп болуп жатат", - дейт саламаттыкты сактоо министринин орун басары.

2020-05-12 10:10:00

Бир сутка ичинде өлкө боюнча Нарын облусундагы төрөтканадагы 6 медициналык кызматкер коронавирус жуктуруп алганы аныкталды. Ал эми стационарлардан 6 медициналык кызматкер сакайып чыкты.

Жалпысынан республика боюнча COVID-19 диагнозу менен 241 медициналык кызматкерлер катталды, алардын ичинен 186сы стационарлардан айыгып чыккан.

2020-05-12 10:09:00

Жалпы республика боюнча интенсивдүү көрсөткүч боюнча (100 миң кишиге салыштырмалуу эсептелинет) алып караганда Нарын облусунда бийик көрсөткүч болууда. Нарында вирус менен ооругандар 44,7 пайызды түздү.

2020-05-12 10:05:00

Ооруканада 316 бейтап жатат. Анын 7өө оор абалда, 4өө жандандыруу бөлүмүндө.

2020-05-12 10:02:00

Бир суткада Кыргыз өлкөсүндө 21 адамдан коронавирус аныкталды.

Бишкек шаары – 10;
Чүй облусу – 1;
Жалал-Абад облусу – 3;
Нарын облусу – 7.

Республика боюнча ооругандардын жалпы саны 1037ге жетти.

2020-05-12 10:01:00

12-майга карата 21 адам коронавирустан айыгып, ооруканадан чыгарылды.
Бишкек шаары – 12;
Ош шаары – 3;
Ош облусу – 3;
Нарын облусу – 2;
Жалал-Абад облусу – 1.

Айыккандардын жалпы саны 709га жетти.

Автор: Гүлжамал Абылкасымова