Москвада ок атуудан Кыргыз жараны жабыркаганы айтылууда

Бүгүн, 3-декабрда Москва шаарындагы көчөлөрдүн биринде ок атуу орун алды. Анда Кыргыз жараны жаракат алганы айтылат. Бул тууралуу орусиялык маалымат булактары жазып чыгышты.

Маалыматка ылайык, ок атуу эки эркек кишинин ортосундагы пикир келишпестиктен улам келип чыккан. Окуянын катышуучулары 43 жаштагы Дмитрий Махалов жана 34 жаштагы Алманбет Абдрахманов болгон. Анда Дмитрий Махалов менен такси кызматынын айдоочусу пикир келишпестиктен улам мушташа кетишкен, натыйжада Дмитрий Махалов Алманбет Абдрахмановго травматикалык тапанча менен ок чыгарган.

Учурда Абдрахманов ооруканага жаткырылган. Ал эми ага карата ок чыгарган жаран кармалды. Ал эми Кыргыз өлкөсүнүн Орусиядагы элчилигинен бул окуя тууралуу комментарий берише элек.

Автор: Сезим Жумагулова