Бразилияда 2 ымыркай жаңылыштык менен коронавируска каршы эмделди

Тектеш кабарлар: Дүйнөгө тараган коронавирус боюнча башка маалыматтар (8926 материал)

Бразилияда эмчектеги 2 наристе кокусунан COVID-19га каршы эмдөөдөн өткөрүлгөн. Бул тууралуу чет элдик басылмалар жазып чыгышты.

Маалыматка ылайык, окуя Бразилиянын Сан-Паулу штатындагы Сорокаба шаарында орун алган. Жаңылыштык менен эмдөөдөн 4 жана 2 айлык наристе эмделген.

"Алар Pfizer компаниясынын коронавируска каршы вакцинасынын дозасын алышкан. Балдар катуу реакция кылышты, ошондуктан дароо ооруканага жаткыруу чечими кабыл алынды ", - деп жазылат маалыматта.

Ымыркайларды жаңылыштык менен эмдөөдөн өткөргөн дарыгер жумушунан айдалган. Учурда бул боюнча тергөө иштери башталганы маалымдалды.

Автор: Нуркыз Курманбек кызы