Бишкекте лифтке кыпчылып каза болгон кишинин окуясы. Лифт былтыр эки жолу бузулганы белгилүү болду

11-январда Бишкектин Улан-1 кичи районунда 38 жаштагы киши лифтке кыпчылып каза болгон. Аталган окуя боюнча "Бишкек лифт" муниципалдык ишканасынын директору Майрамбек Саманчиев шаардык кеңештин кезектеги жыйынында маалымат берди.

Анда лифт 4-кабаттан бир аз жогору көтөрүлгөндө токтоп калганын, окуяга биринчилерден болуп маркумдун аялы күбө болгонун айтат.

"Лифтке кыпчылып калган кишинин жубайы дароо эле лифтчиге кабар берип, адис үч мүнөттүн ичинде келген. Оператор келгенде лифттин эшиктери ачык экенин, эркек кишинин башы менен бир буту лифтте, экинчи буту ылдый жакта турганын көргөн. Лифт кызматкери машина бөлмөсүнө барып, лифтти өчүргөн. 10 мүнөттөн кийин электрик келген. Алар лифтти түшүрүп, жабырлануучуну жана бала менен колясканы алып чыгышты. Бул учурда куткаруучулар келишкен.

Маалымат түшкөндөн кийин "Бишкек лифт" муниципалдык ишканасынын жетекчилери, ошондой эле Энергетика министрлигине караштуу Өнөр жай коопсуздугу боюнча мамлекеттик экологиялык инспекциясынын өкүлү жана мен дагы окуя болгон жерге бардык", - деди Майрамбек Саманчиев.

Майрамбек Саманчиев кошумчалагандай, лифт 1986-жылы чыгарылган. 320 килограммга чейинки салмакты көтөрөт. Лифт 1987-жылы Самаркандда ишке киргизилген. 2021-жылы лифт эки жолу бузулгандыктан токтоп, дароо оңдолгон. Эч кандай чоң кырсык болгон эмес дейт Саманчиев.

Бишкекте лифтке кыпчылып каза болгон жарандын окуясы боюнча иликтөө үчүн ведомстволор аралык комиссия түзүлгөнүн Бишкек шаардык мэриясынан билдирген.

Ал эми Бишкектин Октябрь РИИБи окуя боюнча иликтөө иштери башталганын маалымдады.

Автор: Бактыгүл Момбекова

09:07 14-01-2022

Жазылуу

РУБРИКАДАГЫ СОҢКУ КАБАРЛАР

18:09 2025-06-29 | Түркүн дүйнө

Тарыхта биринчи жолу. Тesla электромобили фабрикадан кардардын үйүнө өз алдынча жетти (видео) 694 0

17:36 2025-06-29 | Түркүн дүйнө

Сеулда пенсионер метро вагонун өрттөп, 150дөн ашуун адам жабыркады (видео) 595 0

16:49 2025-06-29 | Коом жана турмуш

Орусияда Кыргызстандын 44 миң жараны «Яндексте» эмгектенет 626 0

16:25 2025-06-29 | Коом жана турмуш

Такыр-Төр көлүнүн кесепеттерин алдын алууга 76 адам тартылды 423 0

15:54 2025-06-29 | Саясат

Кыргызстанга Тажикстандын тышкы иштер министри расмий сапары менен келет 421 0

15:34 2025-06-29 | Саясат

Садыр Жапаров Орусиянын тышкы иштер министри Сергей Лавровду кабыл алды 730 0

Архив

Комментарийлер (4)

Monsterbek

2022-01-13 17:46:38

Биздеги лифттер аябай эле эски. Кээде лифтке чыкпай эле жоо эле чыгып кеткин келет уйго. Лифтти текшерген атайын текшеруучулор жок бизде!

Nuret94

2022-01-13 21:25:51

Сөзсүз бир кырсык болушу керекби?

Datka7777

2022-01-14 02:19:11

Кобу эле жарабай калган

raykray

2022-01-14 15:00:53

Эски лифтер качественный. Болгону текшерип туруу кк эле. 1 жылда 2 жолу бузулса жакшы экен. Москвада жаны скоростной лифтер бир жумада 2 жолудан а кырсык да ото эле коп.

Комментарий калтыруу үчүн өз ысымыңыз менен кириңиз же каттоодон өтүңүз.