44 жаштагы аял жеринде каза болду. Айланма жолдон жөө адамды сүзүп качкан айдоочу аныкталды

Чүйдөгү айланма жолдо 44 жаштагы аялды сүзүп, изин жашырып кеткен айдоочу аныкталды. Кырсыктын кесепетинен жөө адам каза болгонун Чүй облустук жол кыймылынын коопсуздугун камсыздоо башкармалыгынан кабарлашты.

Маалым болгондой, окуя 6-январда саат 20:00 чамасында айланма жолдун "Дордой" базарына жакын жерде катталган. Анда айдоочу 1978-жылы туулган жөө адамды сүзүп качып кеткен.

"Жабырлануучу алган жаракаттарынан улам жеринде каза болду. Тергөө иштеринин жүрүшүндө шектүү катары 1993-жылы туулган Ж.М. аттуу жаран кармалды. Анын ДАФ жүк ташуучу унаасы айып короосуна токтотулду. Автокырсык боюнча тиешелүү экспертизалар дайындалган. Учурда тергөө иштери улантылып жатат", - дешти маалымат кызматынан.