Эдил Байсалов Нарын облусуна иш сапары менен барды (фото)

Министрлер кабинетинин төрагасынын орун басары Эдил Байсалов Нарын облусунда жумушчу сапары менен жүрөт. Бул тууралуу министрлер кабинетинин басма сөз кызматынан маалымдашты.

Сапардын жүрүшүндө ал Нарын облустук китепканасынын иши менен таанышып, мекеме кызматкерлери менен эмгек акыны төлөө шарттары маселесин талкуулаган.

Ошондой эле Эдил Байсалов Нарын облусунун 2021-жылдагы социалдык-экономикалык өнүгүү жыйынтыгы боюнча коллегиялык жыйынга катышат.

Мындан тышкары бүгүн Ат-Башы райондук аймактык ооруканасына баруусу пландаштырылган.

Автор: Азат Бейшенбеков