"Манас" аэропортунан Түркиянын жаранын уурдоого тиешеси бар дагы бир адам кармалды

Бишкектеги "Манас" эл аралык аба майданынан Түркиянын жаранын уурдоо фактысы боюнча издөөдө жүргөн эки адамдын бири кармалды. Бул тууралуу Улуттук коопсуздук боюнча мамлекеттик комитетинен кабарлашты.

Билдирүүгө ылайык, издөөдө жүргөн 1998-жылы туулган Ниязалы Махаматкарим уулу аттуу жаран кармалган.

"Азыркы учурда кылмыш ишинин негизги катышуучусу, 1971-жылы туулган Болот Матраимов издөөгө алынды. Ал укук коргоо органдарынан из жашырып жүрөт. Ошондой эле жүргүзүлгөн иликтөө иш-чараларынын жүрүшүндө С.Д.ны уурдоого түрк тектүү Кыргыз Республикасынын 1976-жылы туулган жараны Озген Эртугрул Каандын тиешеси бар экени аныкталып, ага дагы издөө жарыяланды", - деп билдиришти УКМКдан.

2021-жылдын декабрь айында "Манас" аэропортунан Түркиянын С.Д. аттуу жаранын уурдап, 3 миллион доллар талап кылган кылмыштуу топтун мүчөлөрү кармалган.

Автор: Азат Бейшенбеков