ЭЛДИК КАБАРга жооп: Окурман нааразы болгон Баткен шаарындагы баш аламандык. Мэрия жаңы базар куруларын айтты

SUPER.KG порталынын "ЭЛДИК КАБАР" бөлүмүнө Баткен шаарынын тургуну кайрылып, шаардагы Сайдиман ажы көчөсүндө мыйзамсыз соода-сатык иштеринен улам жолдо унаалардын тыгыны пайда болорун айткан. Ошондой эле ал Баткен шаардык мэриясынын ишине нааразы болуп, видео дагы жөнөткөн.

Бул маселе боюнча Баткен шаардык мэриясына кайрылганыбызда, окурман айтып жаткан базар башка ыңгайлуу жерге жылдырылып, жаңы базар куруларын айтышты.

"Баткен шаардык мэриясы тынымсыз жумуш алып бурууда. Буюрса, ушул жылы муниципалдык базар, автобекет курулуп, автобекет менен базар башка жакка жылдырылат.

Тынымсыз рейддер жүрүп жатат.

Муниципалдык базарда унаа токтотуучу жай жайгаштырылат", - деп билдиришти мэриядан.

Автор: Айжанар Рыспек кызы
Фото: Окурман