Жол кыймылынын коопсуздугун камсыздоо башкы башкармалыгынын кызматкерлери окуучуларга сабак өтүштү

Бишкектеги №38 мектептин окуучуларына Жол кыймылынын коопсуздугун камсыздоо башкы башкармалыгынын кызматкерлери сабак өтүштү.

Башкармалыктан кабарлашкандай, тарбиялык-профилактикалык иштер балдарга жана алардын жолдо жүрүм-турумуна эң жакшы таасирин тийгизет.

"Жол кыймылынын коопсуздугун камсыздоо башкы башкармалыгынын кызматкерлери №38 мектепте болушуп, окуучулар менен жол эрежесин сактоонун маанилүүлүгү тууралуу тематикалык баарлашууларды өткөрүштү. Мисалы, жөө жүрүүчүлөр, велосипедчен балдар жана жүргүнчүлөр. Ал эми окуучулар кырдаалдык маселелерди чечип, билимдерин көрсөтүштү.

Балдарга жөө адамдар өтүүчү тилкеден өтүүдө коопсуз жүрүм-турум эрежелерине, кайсы бир объекттердин айынан жолго чыгууга жол бербөө боюнча эскертилди. Маектешүүдө жарык чагылдыруучу элементтерди жана желеттерди колдонуу маанилүү экендиги айтылды. Инспектор балдарга караңгыда көзгө илинүү эмне үчүн маанилүү экенин жана мында жарык чагылдыруучу элементтер, жилеттер кандай роль ойноорун айтып беришти. Балдар жол эрежеси боюнча эң сонун билимдерин көрсөтүштү. Эң негизгиси балдар жол эрежесин билип эле тим болбостон аны сактоо жана сөзсүз түрдө аткаруу керектигин түшүнүшү керек.
Сабактын аягында инспекторлор жөө адамдар менен бирге ойноо иретинде жолдо жана короодо коопсуз жүрүм-турум эрежелери боюнча алган билимдерин кайталашты", - деп айтылат билдирүүдө.

Автор: Бактыгүл Момбекова
Фото: ЖКККББнын басма сөз кызматы