ЖЫЛНААМА, 13-ФЕВРАЛЬ: Кинорежиссёр, Кыргыз Эл Баатыры Дооронбек Садырбаев бүгүн 83 жашка чыкмак

Кыргыздын чыгаан кинорежиссёру, жазуучусу жана коомдук ишмери Дооронбек Садырбаев Жалал-Абад облусунун Ноокен районундагы Апыртан айылында (мурдагы "Бирлик" колхозунда) 1939-жылы 13-февралда туулган.

Атасы "Бирлик" колхозунун төрагасы болгон. Ал 14кө чыкканда атасы 45 жашында оорудан каза болгон. Айылда 7-класска чейин окуган. 1957-жылы орто мектепти аяктаган. Кийин Бишкектеги (ал кездеги Фрунзе шаары) Медициналык институтка тапшырган.

Студент кезинен эле режиссёрлук жана кино өнөрү кызыгып, 4-курстан мединститутту таштап, жаңы ачылган Кыргыз сыналгысына режиссёрлук ишке орношот. Муратбек Рыскулов, Жамал Сейдакматова, Бакен Кыдыкеева сыяктуу устаттар менен чогуу көптөгөн көркөм тасмаларды кыргызчага которууга катышкан, диктор катары тексттерди окуган.

Ал режиссёрлук кылган даңазалуу "Махабат дастаны" тасмасы 1983-жылы тартылган жана кыргыз көрөрмандарынын жылуу баасына арзыган. Ал өз замандаштары Төлөмүш Океев жана Болот Шамшиевдин кыргыз кино өнөрүндөгү улуу көчүн андан ары уланткандардын бири болгон.

Анын айрым юмордук аңгемелери (маселен, "Сатин көйнөк" - "Ситцевый бумеранг" аңгемеси) 30дан ашуун тилге которулган. Кыргыз акыны Алыкул Осмонов тууралуу кинороманы Москвада орус тилинде чыккан. 1916-жылкы кыргыз көтөрүлүшү жана 1990-жылкы Оштогу улуттар аралык кагылышуу тууралуу эскерүүлөр камтылган даректүү тасма (орусча "Песня памяти") даярдаган.

1992-1993-жылдары Чеченстанда, Иракта, Грузияда болгон. Жохар Дудаев, Гамсахурдия сыяктуу саясатчылар менен маек куруп, кийинчерээк алар тууралуу макалаларын кыргыз тилинде жарыялаган. Түркияда да "Ихлас фильм продакшн" кино студиясында иштеп, үйрөнчүктөргө кино өнөрү боюнча сабак берген учурлары болгон.

Кийинчерээк эл-жерине кайтып келип, 1994-жылдан 1995-жылга караган кышта оппозициячыл саясатчы катары шайлоого катышып, жеңишке жетишкен. Ошондон тартып көзү өткөнчө ал Кыргызстандын Жогорку Кеңешинин депутаты (1995-2008) болгон. 2004-жылы ноябрда “Ата журт” деген оппозициялык кыймыл түзгөн (анын уюштуруучуларынын бири - мурдагы элчи жана мурдагы тышкы иштер министри Роза Отунбаева болгон).

Дооронбек Садырбаев 69 жашында оорудан улам көз жумган. Сөөгү Бишкектеги "Ала-Арча" көрүстөнүнө коюлган.

Коомдук ишмердин жубайы Сонунбүбү Көлбаева менен маекти шилтеме менен кирип окуй аласыз.

13-февралга карата жылнаама.

Автор: Айжанар Рыспек кызы

16:34 13-02-2022

Жазылуу

РУБРИКАДАГЫ СОҢКУ КАБАРЛАР

17:56 2025-06-07 | Түркүн дүйнө

Масктын компаниясы менен кызматташуудан баш тартуу Пентагон үчүн көйгөйлөрдү жаратат 47 0

17:46 2025-06-07 | Кылмыштар, кырсыктар

Кантта оор жүк ташуучу унаа бир кишини сүзүп кеткени айтылууда (видео) 103 0

17:21 2025-06-07 | Кылмыштар, кырсыктар

Ысык-Көлдөгү 80 миң долларлык жерге байланыштуу алдамчылыкка шектелген жаран кармалды 134 0

16:54 2025-06-07 | Түркүн дүйнө

Финляндияда Палестинаны колдогон активисттер Коргоо министрлигинин имаратын боёп салышты 198 0

16:31 2025-06-07 | Кылмыштар, кырсыктар

Бишкекте дайынсыз болуп жаткан 18 жаштагы кыздын сөөгү табылды 1295 0

16:14 2025-06-07 | Түркүн дүйнө

Мыймыйлар... Түркияда телеканалдагы түз эфирде түркиялыктарга өзгөчө сунуш айтылган (видео) 531 0

Архив

Комментарийлер (6)

bosmos77777

2022-02-13 16:41:13

Кыргыздын Эл журтуна ак дилден кызмат кылган. Уул кызын "арбагы" колдоп журсун!!! Кыргыз мамлекети ушундай уул кыздары менен сыймыктана алат.

al-abu-kinesz

2022-02-14 12:13:47

bosmos77777, арбагынды аралаштырбай эле жон отурчу

-1

Kuban-1207

2022-02-13 16:47:07

Ак эмгек менен өмүр сүргөн Кыргызстанда ушул адам

Antiradikal10

2022-02-13 19:23:40

“Кайран гана эл! Кайран гана мамлекет! Кайран гана мурдуңа бок сүйкөлгөн кыргыздар! Дагы тарткылыгың алдыда экен. Белиңди бекем бууп, чыдагын, өзүндүн зөөкүр уулдарыңа, өзүңдүн зөөкүр кыздарыңа!”

Дооронбек Садырбаев.

Antiradikal10

2022-02-13 19:29:29

Бул соз ар убакыт актуалдуулугун жоготпойт, айрыкча бийликте эл душмандары отурган чакта...

Садыр Жапаров, Камчы Ташиев, Талант Мамытов, Бакыт Торобаев, Акылбек Жапаров, Эдил Байсалов ж.б. бийликтегилер элдин кызыкчылыгы учун иштеп жатабы же озунун, уй-було, тууган-уругунун кызыкчылыгы учун иштеп жатышабы, эл кубо, Алла Таала кубо.

Кайран Докемдин созу бугун да абдан актуалдуу.........

Antiradikal10

2022-02-13 19:31:20

Докемдей элдин жугун аркалап, элди ойлоп санаага баткан, эл учун куйуп бышкан, эли, Мекени учун ак дилден кызмат отогондор кылымда саналуу эле жаралат. Докемдин жаткан жери жайлуу, топурагы торко болсун. Алла Таала бейиштен орун берсин ылайым.......

Комментарий калтыруу үчүн өз ысымыңыз менен кириңиз же каттоодон өтүңүз.