Бишкекте курулуп жаткан көп кабаттуу имараттын дубалы урап, кошуна үйдү басып калды

Бишкекте курулуп жаткан көп кабаттуу имараттын дубалы урап, жанындагы турак үйдү басып калды. Маалыматты Өзгөчө кырдаалдар министрлигинен тастыктап, окуя 27-мартка караган түнү Жаш Гвардия бульварында катталды.

"Жаңы салынып жаткан көп кабаттуу үйдүн кыштары (кирпич) 2 кабаттуу коңшу үйдүн чатырына түшкөн. Анын кесепетинен батирдин шыбы урап, 1958-жылы туулган П.Г. аттуу аялды басып калган. Жабырлануучуга "Тез жардам" кызматы тарабынан жардам көрсөтүлдү, ооруканага баруудан баш тартты. Жерине 5 куткаруучу тартылды", - дешет маалымат кызматынан.

Автор: Бактыгүл Момбекова