Депутат Арсланбек Малиев катышкан жыйындан Аравандын жашоочулары кыйкырып чыгып кетишти (видео)

Ош облусунун Араван районунда “Элдик” депутаттык топ жыйын өткөрүүдө.

Анда жергиликтүү жашоочулар жыйында президенттин Ош облусундагы өкүлчүлүгүнүн орун басары Данияр Жаныкуловго сөз берилбегендигине нааразы болуп, залда отурган адамдар акырындан чыга баштаган. Алардын айрымдары "Бул жерде куранды бурмалаган депутат отурат" деп кыйкырган.

11-майда Жогорку Кеңештин жыйынында депутат Арсланбек Малиев куран китебинде арак менен кумар оюндарынын адам үчүн бир аз пайдасы бар экени жазылганын айтып, куран китебин окуган. Көп өтпөй эле Муфтият бул боюнча билдирүү жасаган.