Бири 13тө, экинчиси 11де болгон. Киров суу сактагычынан эки баланын жансыз денеси табылды

Талас облусунун Кара-Буура районундагы Киров суу сактагычынан эки баланын жансыз денеси табылды. Бул тууралуу Өзгөчө кырдаалдар министрлигинен маалымдашат.

Белгилүү болгондой, 24-июнда Кара-Буура районунун Үч-Булак айылынын 2009-жылы туулган Б.А. жана 2011-жылы туулган Б.А. аттуу 2 бала Киров суу сактагычына түшүп кеткен.

Жерине издөө иштерин жүргүзүү үчүн 3 куткаруучу тартылып, издөө натыйжа берген эмес.

Бүгүн, 25-июнда Кара-Буура райондук суучул-куткаруучулары издөө иштерин жүргүзүп жатып саат 09:27 жана 9:30да эки баланын сөөгүн таап, туугандарына өткөрүп беришти.

Министрлик эскертет: Урматтуу жарандар, балдарыңыздарды чоңдордун көзөмөлүсүз сууга түшүүгө жибербеңиздер! Суу коопсуздугун сактаңыздар!

Автор: Бактыгүл Момбекова
Фото: ӨКМнын басма сөз кызматы