Ошто студент кыздын жансыз денеси табылды

Ош шаарындагы Ак-Буура дарыясынын боюнан 2-курстагы студент кыздын жансыз денеси табылды. Бул тууралуу Ош ШИИБинен кабарлашты.

Милициянын маалыматына ылайык, 28-июнь күнү Ош шаарынын Курманжан датка кичи районунун аймагынан 20-25 жаштагы кыздын жансыз денеси табылган.

"Ош ШИИБинин ыкчам кызматкерлери тарабынан кыздын аты-жөнү аныкталып, ал Ош мамлекеттик университетинин медициналык колледжинин 2-курсунун студенти Ш.к.А. экендиги белгилүү болду.

Экспертиза дайындалды, анын жыйынтыгына жараша толугураак маалымат кийин берилет", - деп айтылат маалыматта.

Автор: Айпери Бакталбек кызы
Фото: Интернеттен алынды