ИИМдин кызматкерлери көлгө чөгүп жаткан эже-сиңдини куткарып калышты

Ысык-Көлдө сууга чөгүп бараткан эже-сиңдилерди ИИМдин атайын багыттагы полкунун кызматкерлери куткарып калышты. Бул тууралуу аталган мекеменин басма сөз кызматы билдирди.

Маалыматка ылайык, 6-август күнү Ысык-Кѳл облусундагы “Алтын-Кѳл” пансионатында ИИМдин атайын багыттагы полкунун кызматкерлери Жалил уулу Шамил жана Искендеров Темирлан сууга чѳгүп бараткан Бишкек шаарынын тургундары 32 жаштагы Г.Б жана 27 жаштагы М.Б. аттуу эже-сиңдилерди куткарып калышкан.

Маалым болгондой, алгач кѳл жээгинде эс алып жаткан бир туугандардын бирѳѳсү сууга чѳгө баштаган жана аны куткарганы барган эжеси дагы чѳгүп жатканын байкап калышкан.

Автор: Бек Оморбеков