Бишкекте УКМКнын жана ардагерлер кеңешинин мүчөлөрү үчүн жаңы имарат ачылды (фото)

Бүгүн, 18-августта Бишкек шаарында УКМКнын жана ардагерлер кеңешинин мүчөлөрү үчүн жаңы имараттын ачылышы болду. Ага УКМКнын төрагасы Камчыбек Ташиев жана мекеменин өздүк курамы катышты.

Атайын кызматтан белгилешкендей, жаңы курулган имарат кызматкерлер үчүн иштөө шарттарына талапка жооп бере турган, керектүү заманбап жабдуулар менен толук камсыздалган.

УКМКнын төрагасы кызматкерлерге кызматтык тапшырмаларды так аткарууну эскертип, ошондой эле коррупция менен, уюшкан кылмыштуулук менен күрөшүү жана чек ара коопсуздугун камсыздоо чараларына өзгөчө көңүл буруу зарылдыгын белгиледи.

Автор: Айжанар Рыспек кызы
Фото: УКМК