Өзбекстандан Ош шаарына 50 автобус алып келинет

Өзбекстандан Ош шаарына 50 автобус сатып алуу боюнча келишимге кол коюлду. Бул тууралуу шаардык мэриядан билдиришти.

Маалыматка ылайык, Кыргыз-Өзбек фонду, Ош шаарынын мэриясы жана "SamAuto" автомобилдик заводунун ортосунда Ош шаарына 50 автобус алып келүү боюнча документтерге кол коюлду.

"Ошондой эле Кара-Суу райондук мамлекеттик администрациясы менен "Кыргыз олигарх" ЖЧКсынын ортосунда "Катта-Талдык өндүрүштүк комплексин түзүү" долбоору боюнча мамлекеттик ак ниет өнөктөштүк келишимине кол коюлду", - деп айтылат маалыматта.

Белгилей кетсек, буга чейин Бишкек шаардык мэриясы дагы жүргүнчүлөрдү ташуу үчүн 100 даана автобус сатып алары маалымдалган.

Автор: Айпери Бакталбек кызы