"Бишкек жылуулук" имаратынын дубалына манасчы Саякбай Каралаевдин сүрөтү тартылды (фото)

"Бишкек жылуулук" коммуналдык ишканасынын имаратынын дубалына улуу манасчы Саякбай Каралаевдин сүрөтү түшүрүлдү. Эмгек сүрөтчү Таштанбек Ибраимовго таандык, ага манасчынын небереси Алмаз Тиленов колдоо көрсөткөн.

Сүрөтчү белгилегендей, сүрөт 2 ай убакытта тартылган.

Бүгүн, 7-сентябрда борбордогу “Бишкекжылуулукэнерго” коммуналдык ишканасынын №5 муниципиалдык мончосу реконструкциялоодон кийин пайдаланууга берилип, анын ачылыш аземи болууда. Ага бир катар экс-депутаттар жана мончо сүйүүчүлөрү келишкен.

Иш-чаранын жүрүшүндө Түркиянын “Мимсан” заводунан сатылып алынган 32 даана отказандар көрсөтүлдү.

Автор: Каныкей Амантаева
Фото: Каныкей Амантаева