Эне тилге эки мүнөт: "Жел таман", "кыртышы сүйбөө" фразеологизмдеринин мааниси

"Эне тилге эки мүнөт" рубрикабызда кыргыз тили жана адабияты мугалими Нурислам Эргешалиев "төөнүн куйругу жерге тийгенде", "жел таман" жана "кыртышы сүйбөө" фразеологизмдеринин маанисин түшүндүрүп берди.

Төөнүн куйругу жерге тийгенде - Жакында болбой турган же такыр болууга мүмкүн болбогон учур. Мисалы, Жамал мени качан келет десе төөнүн куйругу жерге тийгенде келет дегин (Шүкүрбеков).

Жел таман - Бир жерге жай алып тура албаган деген мааниде айтылат. Мисалы, Жел таман желип-жортуп айылдап жүр. Жээлигип өзүн-өзү дайындап жүр (Тоголок Молдо).

Кыртышы сүйбөө - Жактырбоо, жакшы көрбөө. Мисалы, Татыбектин дегеле эчтемени кыртышы сүйбөйт.

Автор: Айжанар Рыспек кызы
Фото: Каныкей Амантаева