Бишкек шаарында 7 айдан бери Жаныбек Абдыкеев дайынсыз болуп изделүүдө

Бишкек шаарында 39 жаштагы Жаныбек Абдыкеев дайынсыз болуп изделүүдө. Бул тууралуу Свердлов РИИБинен маалымдашты.

Билдирүүдө айтылгандай, Свердлов РИИБине И.М. аттуу шаар тургуну арыз менен кайрылган. Анда 1983-жылы 17-ноябрда туулган жолдошу Жаныбек Абдыкеев ушул жылдын 31-март күнү саат 08:00 чамасында Учкун кичи районунда жайгашкан үйүнөн чыгып кеткен боюнча кайрылып келбегени айтылган.

Бул факты Свердлов РИИБинде каттоого алынып, издөө иштери жүрүп жатат.

Өзгөчө белгилери: Бою 170-175 сантиметр, көзү, чачы кара. Мезгилге жараша кийинген.

Эгерде сүрөттөгү жаранды көргөн же кандайдыр бир маалыматы бар адамдар болсо төмөнкү телефон номер аркылуу милицияга кабар берсе болот: 0 500 60-70-67 жана 102.

Автор: Сезим Жумагулова