"Сан-Францискодон кийин". Бишкек абасы эң кир шаарлардын ичинен 36-орунга жайгашты

Бишкек шаары 20-октябрда саат 22:03кө карата дүйнөдөгү булганган шаарлардын рейтингинде 36-орунга жайгашты. Мындай изилдөөнү шаарлардын абасынын тазалыгын изилдеген IqAir агенттиги жарыялады.

Кыргызстандын борбору АКШнын Сан-Франциско менен Таиланддын Чиангамай шаарынын ортосунда жайгашты. Ал эми учурда дүйнөдөгү абасы эң кир шаар болуп АКШнын Сиэтл шаары табылды.

Орто Азия өлкөлөрүнүн ичинен абасы эң булганган шаар болуп коңшу Өзбекстандын борбору Ташкент шаары табылды. Бул шаар рейтингде 7-орунду ээледи.

Автор: Азат Бейшенбеков