Директорлорду тандоо: Бишкек жана Ошто өткөн сынактын жыйынтыгы чыкты

Бишкек, Ош шаарында жана Баткен облусунда мектеп директорлорунун бош кызмат орундарына компьютердик тестирлөө өттү.

Билим берүү жана илим министрлиги сынак 21-октябрда жана 22-октябрда өткөнүн билдирди. Ага ылайык:

Бишкекте тестирлөөгө 79 талапкер катышып, алардын ичинен 51 талапкер ийгиликтүү тапшырды.

Ош шаары боюнча тестирлөөгө 27 талапкер катышты. Анын ичинен 16 талапкер өттү.

Баткен облусунда тестирлөөгө 151 киши катышып, алардын ичинен 52 талапкер ийгиликтүү тапшырган.

"Андан сырткары Чүй, Нарын облустарындагы жана Бишкек шаарындагы атайын, атайын көмөкчү мектеп-интернаттарындагы бош ваканттык орундарга 10 талапкер тестке катышууга чакыруу алса, 9 талапкер катышып, 1 талапкер келген эмес. Тестке катышкан 9 талапкер тең 60 пайыздан жогору көрсөткүч менен босого баллдан өтүштү", - деп билдиришти мекемеден.

Автор: Айжанар Рыспек кызы
Фото: Айжанар Рыспек кызы