Бүгүн, 24-октябрда борбор калаада интернет жакшы иштебей жаткандыгын жарандар айтышууда.Санариптик өнүктүрүү министрлиги интернеттин жарым-жартылай үзгүлтүккө учурашынын себебин түшүндүрдү.
Кабарлангандай, магистралдык линиялардын биринде авария болуп, интернет үзгүлтүккө учуроодо.
“Учурда интернет байланышын калыбына келтирүү боюнча жумуштар аткарылууда. Жакын арада интернет толук калыбына келет. Мындан сырткары резервдик каналдар аркылуу байланыш берилүүдө”, — деп айтылат маалыматта.
“Мегаком” компаниясында бир саат мурун авария болгону кабарланды.
“Акнет” интернет-провайдери техникалык көйгөйлөрдөн улам интернеттин ылдамдыгынын төмөндөшүнө же жеткиликсиздигине алып келиши мүмкүн экенин билдирди. Учурда бардык зарыл болгон иштер жүргүзүлүп жатканы айтылды.
