Бишкекке жыл аягына чейин 120 автобус алып келинет

Үстүбүздөгү жылдын аягына чейин Бишкекке 120 автобус келет. Бул тууралуу шаардык мэриянын басма сөз кызматынан билдиришти.

Маалым болгондой, автобустарды сатып алууга шаардык бюджеттен 1 миллиард сом бөлүнгөн. Бүгүнкү күндө акчасы толугу менен төлөнгөн. Автобустар кытайлык компаниядан алып келинет.

“Тактап айтканда, автобустарды долбоорлордон тышкары сатып алуудабыз. Акыркы төрт-беш жылда өнөктөштөр менен долбоордун алкагында алынып жаткан автобустарга тиешелүү процедуралар созулуп кетти”, - деп кошумчалайт мэрия.

Кошумчалай кетсек, буга чейин мэрия кытайлык Zhongtong Bus Hoiding Co., Ltd компаниясынан 120 автобус сатып алары айтылган. Ар биринин баасы тетиктери менен 91 миң АКШ долларын түзөт.

Автор: Максуда Кудайбердиева