Депутат мурдагы президенттердин бардыгына бирдей мамиле кылуу керектигин айтты

Кыргызстандын мурдагы президенттеринин бардыгына бирдей мамиле кылуу керек. Бул тууралуу Жогорку Кеңештин депутаты Жусупбек Коргонбай уулу Жогорку Кеңештин жыйынында айтты.

"Мурдагы президенттердин аттары аталып жатат. Аксыдагы 6 кишинин өлүмүнө байланышкан окуялардын күнөөкөрү Аскар Акаевди актап салдык. Анда Бакиевди алып келип түрмөдө отурган Атамбаев менен бетме-бет отургузуп, 2010-жылдагы окуяны териштирбейлиби. Эмне үчүн тандалма кылып жатабыз?

Аскар Акаевди актадыкпы, анда Бакиевди дагы алып келип актайлы. Атамбаевди дагы камактан чыгаралы. Президенттердин баарына бирдей мамиле кылалы да", - деди депутат.

Автор: Азат Бейшенбеков