Баткендин чек арага чектешкен аймактарында милиция эл менен жолугушууда

Баткендин чек арага чектешкен аймактарында милиция кызматкерлери эл менен жолугушууда. Бул тууралуу облустук милициядан билдиришти.

Маалымдалгандай, Баткен районунун чек арага чектешкен аймактарында жашаган жергиликтүү тургундарга Көк-Таш айылдык милиция бөлүмчөсүнүн кызматкерлери коомдук тартипти сактоо, кылмыштуулуктун алдын алуу, өспүрүмдөрдүн коопсуздугун көзөмөлдөө жаатында эскертүүлөр берилди. Мындан сырткары чек ара аймактарында жашаган тургундардын мал-жандыктарын талаада кароосуз калтырбоо жагы айтылды.

Тиешелүү кызмат Баткен облусунда коомдук тартипти көзөмөлдөө максатында күнү-түнү кайгуулдарды уюштурган.

Автор: Максуда Кудайбердиева