Бишкектеги №4 мектепке жардыруучу зат коюлду деген маалымат тастыкталган жок

Бишкек шаарындагы №4 мектептен жардыруучу зат табылган жок, ал эми окуу процесси башталды. Бул тууралуу SUPER.KG порталына калаа мэриясынан кабарлашты.

Мэриядан маалымдашкандай, бүгүн саат 7:49да мектептин электрондук дарегине жардыруучу зат коюлгандыгы боюнча кат келген.

"Ошол замат тиешелүү органдарга кабар берилип, окуучулар жана мектеп кызматкерлери эвакуацияланып, ыкчам-издөө иш-чараларын жүргүзүү үчүн мектептин имараты курчоого алынган. Текшерүү толук аяктады, жардыргыч зат табылган жок. Мектепте окуу процесси кайрадан жанданды", - деп айтылат маалыматта.

Буга чейин айрым ЖМКлар Бишкектеги №4 мектептен окуучулар менен мугалимдер эвакуациялангандыгын, белгисиз бирөөлөр имаратка бомба коюлганын билдиргенин жазып чыккан.

Белгилей кетсек, 30-ноябрда Бишкектеги №67 мектебинде дал ушундай окуя болгон.

Автор: Бек Оморбеков
Фото: Интернеттен алынды