Баткенде жаңы келген автобустардын үчөө каттамга чыгарылды

Бүгүн, 25-январда Баткен шаарына жаңы келген 3 автобус маршруттук каттамга чыгарылды. Бул тууралуу шаардык мэрия тарабынан белгилүү болду.

Калаа бийлигинин маалыматына ылайык, калган 3 автобустун лицензиялары даяр болуп, уруксат берилсе каттамга чыгат.

"Маршруттук каттам Салихов көчөсүнөн Чет-Булак кварталына чейин, андан соң Сайдиман ажы көчөсүнөн мал базарга чейин барат.

Т.Садыков көчөсүнөн Жибек жолу көчөсү аркылуу И.Жусупов көчөсүнө барып, Салихов көчөсүнөн "Биримдик базарына келип токтойт", - деп айтылат маалыматта.

Белгилей кетсек, жол акы чоңдор үчүн 15 сом болсо, балдар үчүн 10 сом деп белгиленди.

Маалымат үчүн: 2022-жылдын ноябрь айында Баткен шаарына калкты тейлөө үчүн 6 автобус алып келинген болчу.

Автор: Айжанар Рыспек кызы